Сурхондарёда юк машинаси каналга тушиб кетди (видео)
3-саҳифа
−
02 Март 2023 8455
Сурхондарё вилояти Жарқўрғон туманида юк машинаси каналга тушиб кетди. Бу ҳақда Фавқулодда вазиятлар вазирлиги Матбуот хизмати хабар берди.
Қайд этилишича, жорий йилнинг 28 февраль куни соат 15:40 да Жарқўрғон туманининг “Дўстлик” маҳалласи ҳудудидан оқиб ўтувчи Занг каналига юк машинаси тушиб кетгани тўғрисида вилоят Фавқулодда вазиятлар бошқармасига хабар келиб тушган.
Чақирувга асосан, воқеа жойига ФВБ ёнғин қутқарув отряди етиб бориб, махсус техникалар ёрдамида юк машинаси каналдан чиқариб олинган.
“Воқеа оқибатида тан жароҳати олган ва ҳалок бўлганлар йўқ”, дейилади хабарда.
Эслатиб ўтамиз, жорий йилнинг 23 февраль куни Тошкент вилояти Бекобод туманидан оқиб ўтувчи Дўстлик каналига Cobalt машинаси тушиб кетган эди.
Live
Барчаси