Суперкомпьютер АПЛдаги асосий фаворитни аниқлади

“Opta” суперкомпьютери Англия Премьер-лигаси жамоаларининг ушбу мавсумдаги чемпионлик имкониятларини баҳолади. Прогнозларга кўра, Лондоннинг “Арсенал” жамоаси етакчи даъвогар сифатида эътироф этилмоқда.

“Opta” суперкомпьютери таҳлилларига кўра, “Арсенал”нинг чемпионликни қўлга киритиш эҳтимоли 91,41 фоизга баҳоланган. Иккинчи ўринни 7,09 фоиз имконият билан “Манчестер Сити” жамоаси эгаллаган бўлса, кучли учликни эса Бирмингемнинг “Астон Вилла” жамоаси якунламоқда. Унаи Эмери жамоасининг чемпионликни қўлга киритиш имкониятлари 1,36 фоиз дея баҳоланган. 

Маълумот учун, ҳозирда “Арсенал” Премьер-лига турнир жадвалида пешқадам бўлиб турибди. Микель Артета бошчилигидаги жамоа “Манчестер Сити”дан олти очко олдинда бормоқда. “Астон Вилла” 47 очко билан учинчи ўринда, тўртинчи ўринда эса 44 очко билан “Манчестер Юнайтед” бормоқда.

Эслатиб ўтамиз, “Opta” суперкомпьютерининг янги прогнозига кўра, Англиянинг “Арсенал” жамоаси 2025-2026 йилги UEFA Чемпионлар лигасида ғалаба қозониш учун 30 фоиз имкониятга эга ва мусобақа ғолиблиги учун асосий фаворит дея баҳоланган эди.