Суперкомпьютер ЕЧЛ ғолибини тахмин қилди
Спорт
−
14 Март 3250
Европа Чемпионлар лигаси 1/8 финал босқичидан кейин турнирда “Барселона” ғолиб бўлиши тахмин қилинмоқда. Бу ҳақда “Opta” хабар берди.
Манбага кўра, Каталония клубининг мусобақада зафар қучиш имконияти 20,4 фоизни ташкил этмоқда. Бу борада 2-ўринда ПСЖ, 3-поғонада эса “Арсенал” клуби қайд этилди.
Эътиборлиси, турнирнинг амалдаги чемпиони Мадриднинг “Реал” клуби мусобақа ғолиб бўлиши кутилаётган топ-4 жамоа сафига ҳам киритилмади. Мусобақада чемпион бўлиш бўйича “қаймоқранглилар” 5-ўринда қайд этилди. Миланнинг “Интер” клубига ЕЧЛда ғолиб бўлиши мумкин бўлган 4-жамоа сифатида қаралмоқда.
Маълумот учун, ЕЧЛ чорак финалининг дастлабки ўйинлари 8-9, жавоб баҳслари эса 15-16 апрель кунлари ўтказилади. Финал 1 июнь санасига белгиланган.
