1 июндан бензин, спиртли ичимликлар ва тамаки маҳсулотлари нархи ошиши кутилмоқда

Ўзбекистонда жорий йилнинг 1 июнидан спиртли ичимликлар, тамаки ва нефть маҳсулотлари нархи ошиши мумкин. Давлат солиқ қўмитаси 2022 йил 1 июндан акциз солиғи ставкаларини белгилади.

Унга кўра, акциз солиғи ставкалари ўртача 10% га индексация қилинади:

•    1 тонна АИ-80 бензини 275 минг сўм (2021 йил 1 февралдан бери 240 минг сўм эди);

•    1 тонна АИ-92, АИ-93 ва АИ-95 бензини 275 минг сўм (ўзгармаган);

•    1 тонна дизель ёнилғиси 264 000 сўм (24 минг сўмга қимматлайди).

Якуний истеъмолчига сотиладиган товарларга солинувчи акциз солиғи:

•    бензин – 1 литр учун 385 сўм/1 тонна учун 512 минг сўм;

•    дизель ёнилғиси – 1 литр учун 385 сўм/1 тонна учун 468 минг сўм;

•    суюлтирилган газ – 1 литр учун 385 сўм/1 тонна учун 730 минг сўм;

•    сиқилган газ – 1 куб метр учун 550 сўм.

Қуйидаги ишлаб чиқарилган тамаки маҳсулотлари турларининг 1000 (минг) донаси учун 203 500 сўм + 10 % миқдорида белгиланади:

•    фильтрли; 

•    фильтрсиз сигареталар;

•    папирослар;

•    сигариллалар (сигаритлар);

•    биди;

•    кретек.