“Сити”га тегишли футболчи битта ўйинда 6 та гол урди
Спорт
−
27 Май 2022 4889 1 дақиқа
Аргентинанинг “Ривер Плейт” жамоаси ҳужумчиси Хулиан Альварес Либертадорес кубогининг 6-туридан ўрин олган Перунинг “Альянс Лима” клубига қарши ўйинда (8:1) 6 та гол урди. Бу ҳақда “Ривер Плейт” клубининг матбуот хизмати хабар берди.
Қайд этиш жоизки, 22 ёшли аргентиналик футболчи Буэнос-Айрес клуби тарихида бир ўйинда 6 та гол урган биринчи футболчига айланди.
Альварес жорий йилнинг январь ойида “Манчестер Сити” билан шартнома имзолади, аммо июлгача “Ривер Плейт”да ижара асосида ўйнайди.
Маълумот ўрнида, жорий мавсумда Хулиан Альварес “Ривер Плейт” сафида 17 та ўйинда майдонга тушиб, 14 та гол урди ва 4 та голли узатма амалга оширди. “Тransfermarkt” портали аргентиналик иқтидор эгасини 23 миллион еврога баҳоламоқда.
Маъруф Абдумаликов
Live
БарчасиШавкат Мирзиёев Рамазон ҳайити ва Наврўз байрамини кўтаринки руҳда ўтказиш зарурлигини билдирди
18 Март
Туроператорларга жалб қилинган 1 минг хорижий турист учун 5 минг долларгача субсидия берилади
18 Март