Синдоров нуфузли турнирда Накамурани енгди
Спорт
−
11 Февраль 5825 1 дақиқа
Кеча, 10 февраль куни Германиянинг Вайссенхаус шаҳрида давом этаётган шахмат бўйича нуфузли “Freestyle Chess Grand Slam” турнири чорак финалининг иккинчи ўйинлари бўлиб ўтди.
Мусобақада ғолиблик учун курашаётган ўзбекистонлик Жавоҳир Синдоров америкалик Ҳикару Накамура билан иккинчи баҳсда ҳам дурангга имзо чекди. Тай-брекда эса Жавоҳир рақибини мағлубиятга учратиб, ярим финалга йўл олди.
Яна бир ўзбекистонлик гроссмейстер Нодирбек Абдусатторов эса норвегиялик Магнус Карлсенга қарши иккинчи ўйинда ҳам имкониятни бой берди. Энди Абдусатторов турнирда 5-ўрин учун кураш олиб боради.
Шундай қилиб, мусобақанинг ярим финалида германиялик Винцент Каймер, америкалик Фабиано Каруана, норвегиялик Магнус Карлсен ва ўзбекистонлик Жавоҳир Синдоров иштирок этадиган бўлди.
Live
Барчаси
