Си Цзиньпин АҚШга келади – Трамп
Олам
−
24 июл 2476 1 дақиқа
АҚШ Президенти Дональд Трамп Хитой раиси Си Цзиньпин жорий йилнинг 24 сентябрь куни АҚШга ташриф буюришини маълум қилди. Бу ҳақда Трамп кеча, 23 июль куни сунъий интеллект масалалари бўйича ўтказилган тадбирда айтди.
Трампнинг айтишича, Си Цзиньпиннинг ташрифи давомида томонлар сунъий интеллект соҳасидаги ҳамкорлик масалаларини муҳокама қилади.
“Президент Си 24 сентябрь куни келади. Мен Пекинда бўлганимда ҳам бу ҳақда гаплашган эдик ва бу мавзуда яна музокара олиб борамиз”, деган Трамп.
Эслатиб ўтамиз, Си Цзиньпиннинг ташрифи Трампнинг жорий йил бошида Хитойга амалга оширган сафаридан кейин бўлиб ўтади. Ўша вақтда Трамп Пекинда Хитой раҳбарини Оқ уйга таклиф қилган эди.
22 июль куни АҚШ Давлат котиби Марко Рубио ва Хитой Ташқи ишлар вазири Ван И ҳам учрашув ўтказиб, томонлар “жуда ижобий ташриф” учун замин яратиш мақсадида ҳамкорлик йўналишларини белгилаш зарурлигини муҳокама қилган эди.
Live
Барчаси
