Шимолий Корея Японияни инсониятга қарши даҳшатли жиноятда айблади

Пхеньяннинг разведка сунъий йўлдошини учиришга уриниши муносабати билан Ғарб делегациялари томонидан чақирилган Хавфсизлик Кенгаши йиғилишида КХДРнинг БМТдаги доимий вакили Ким Сон Япониянинг тасодифий “Фукусима-1” атом электр станциясидаги радиоактив сувни океанга чиқариши хавфи борлигини таъкидлади.

“Биз Япониянинг бутун инсоният хавфсизлигига таҳдид солаётган инсониятга қарши даҳшатли жиноятини қоралаймиз. Катта миқдорда радиоактив элементлар бўлган, ифлосланган сувни тўкиш қарори денгиз муҳитига таҳдид солади”, деган дипломат.

Унинг сўзларига кўра, КХДР разведка сунъий йўлдошларининг учирилиши АҚШ ва унинг иттифоқчилари томонидан уюштирилаётган душманона ҳарбий ҳаракатлардан ўзини ҳимоя қилишдир.

Маълумот учун, Tokio Electric Power Company энергетика компанияси жорий йилнинг 24 август куни “Фукусима-1” АЭСдан радиоактив моддалардан тозаланган сувнинг биринчи партиясини океанга чиқаришни бошлаган.

Шу сабабли, Хитой Халқ Республикаси Бош божхона бошқармаси 24 августдан бошлаб Японияда ишлаб чиқарилган денгиз маҳсулотлари импортини бутунлай тўхтатиб қўйишини эълон қилган.