Шавкат Мирзиёев яна Туркияга жўнаб кетди
Жамият
−
16:28 971 1 дақиқа
Ўзбекистон Республикаси Президенти Шавкат Мирзиёев Туркия Республикаси Президенти Ражаб Тойиб Эрдўғаннинг таклифига биноан бугун, 10 ноябрь куни амалий ташриф билан ушбу мамлакатга жўнаб кетди. Бу ҳақда Президент Матбуот хизмати хабар берди.
Ўзбекистон раҳбари Анталия шаҳрида Бирлашган Миллатлар Ташкилотининг Иқлим ўзгариши бўйича конференцияси (COP31) ялпи сессиясида иштирок этади ва нутқ сўзлайди. Шунингдек, хорижий делегациялар раҳбарлари билан қатор икки томонлама учрашувлар ўтказади.
Бу Президент Шавкат Мирзиёевнинг сўнгги ўн кун ичида Туркияга иккинчи амалий ташрифи. Давлат раҳбари сўнгги бор Туркияга 29-30 октябрь кунлари Анқара мезбонлигида бўлиб ўтган Туркий давлатлар ташкилотининг 13-саммитида иштирок этиш учун борган эди. Ўшанда унга мамлакат биринчи хоними Зироат Мирзиёева ҳамроҳлик қилган.
Live
Барчаси
