Шакира Пике ҳақидаги қўшиғи билан Гиннеснинг 14 та рекордини янгилади
Маданият-санъат
−
13 Март 2023 24163
“Барселона”нинг собиқ аъзоси Жерар Пике билан муносабатларга бағишланган қўшиғи билан колумбиялик хонанда Шакира 14 та янги рекорд ўрнатди. Бу ҳақда “Marca” нашри хабар берди.
У Spotify ва YouTube'даги энг машҳур лотин треки муаллифи, Bilboard'нинг Latin Airplay чартида биринчи ўринни эгаллаган илк аёл ва испан тилидаги қўшиғи билан Bilboard-Hot'нинг энг яхши 10 талигига кирган биринчи санъаткорга айланди.
Шунингдек, Шакира яна 11 та турли йўналишда Гиннеснинг рекордларини янгилаган.
Эслатиб ўтамиз, қўшиқчи Испания терма жамоасининг собиқ марказий ҳимоячиси Жерар Пике билан ўтган йилнинг июнь ойида футболчининг хиёнати туфайли ажрашганди.
