Санкт-Петербургда МДҲ давлатлари раҳбарларининг норасмий учрашуви бўлади
Олам
−
09 Декабрь 2022 7315
Жорий йилнинг декабрь ойи охирида Россиянинг Санкт-Петербург шаҳрида МДҲ давлатлари раҳбарларининг норасмий учрашуви бўлиб ўтади. Бу ҳақда Россия Президенти Владимир Путиннинг ёрдамчиси Юрий Ушаков хабар берди.
“Бошқа алоқалар ҳам бўлади. Бироқ энг муҳим воқеа – МДҲ давлатлари раҳбарларининг норасмий учрашуви”, дейди Президент ёрдамчиси.
Ушаков дўстона саммит “белгиланган анъанага кўра” ўтказилишини таъкидлаган.
Октябрь ойи ўрталарида Президент Владимир Путин мавқедошларини Россиянинг шимолий пойтахтига норасмий ушрашувга таклиф қилиб, саммитни йил охирида ўтказиш таклифини билдирган эди.
МДҲ саммити биринчи марта норасмий шароитда ўтказилаётгани йўқ. Остонадаги расмий саммит олдидан норасмий учрашув октябрь ойида Санкт-Петербургда бўлиб ўтган.
Live
Барчаси07 Ноябрь 2023
07 Ноябрь 2023
07 Ноябрь 2023
07 Ноябрь 2023
