Самарқандда таълим соҳаси мулозими пора билан ушланди
3-саҳифа
−
19 Ноябрь 2021 9248
Жорий йилнинг 16 ноябрь куни Самарқанддаги туманлардан бирида Халқ таълими бўлими мудирининг ўринбосари 300 доллар пора билан ушланди. Тезкор тадбир Давлат хавфсизлик хизмати Самарқанд вилояти бошқармаси ҳамда прокуратура ва прокуратура ҳузуридаги департамент ходимлари ҳамкорлигида ўтказилган.
Тезкор тадбир чоғида вилоятдаги туманларнинг бирида халқ таълими бўлими мудири ўринбосари лавозимида ишловчи фуқаро Р.Т. хизмат мавқеидан фойдаланиб маҳаллий фуқародан туман мактабларининг бирига ўқитувчиликка ишга қўйишини ваъда қилиб ундан 300 АҚШ доллари миқдордаги пулларни олган вақтида ашёвий далиллар билан ушланди.
Ҳозирда ҳолат бўйича фуқаро Р.Т.га нисбатан Ўзбекистон Республикаси Жиноят кодексининг тегишли моддалари билан жиноят иши қўзғатилиб, дастлабки тергов ҳаракатлари олиб борилмоқда.
Live
Барчаси