Рўзибоев UFC рейтингида катта сакрашни амалга оширди
Спорт
−
05 Июль 2023
7873Ярим ўрта вазн тоифасидаги ўзбекистонлик UFC жанчиси Нурсултон Рўзибоев ташкилот рейтингида 108 поғона юқорилади.
Рўзибоев ўз вазн тоифаси рейтингида 29-поғонада қайд этилди. Ўзбекистонлик спортчи кейинги жангидаги ғалабаси орқали жадвалда топ-15 га кириши мумкин. Айни вақтда Рўзибоев вазнида рейтинг пешқадами янги зеландиялик Исраэль Адесанья бўлиб турибди.
Таъкидлаш жоиз, UFC'даги биринчи жангидаёқ ишончли ғалабага эришган Рўзибоевга кейинги жангида жуда жиддий рақиб дуч келиши мумкин. Рўзибоевга UFC Vegas 76 турниридаги ёрқин ғалабаси учун UFC президенти Дана Уайт томонидан 50 минг АҚШ доллари тақдим этилгани ҳам ташкилотнинг ўзбекистонлик жангчига бўлган кучли ишончи белгисидир.
Маълумот учун, 29 ёшли Рўзибоев MMA'да умумий 35 та ғалаба қайд этган, 8 та тўқнашувда эса мағлубиятга учраган. У иштирокидаги 2 та жангда дуранг билан якунланган.