Рўзадор кишининг оғзига ёмғир кирса, рўза бузиладими?

Фойдали

image

Айни кунларда Ўзбекистонда ёғингарчилик кунлари давом этмоқда. Рамазон рўзасини тутаётганлар учун табиий савол туғилади: Рўзадор кишининг оғзига беихтиёр ёмғир томчилари кирса, унинг рўзаси бузиладими?

Ўзбекистон мусулмонлари идораси фатво ҳайъати маълумотларига кўра, Рўзадор кишининг оғзига беихтиёр ёмғир томчилари ёки қор парчалари кириб, томоғидан ўтса, рўзаси бузилади ва қазо рўза тутиши вожиб бўлади.

Бу ҳақда Ҳанафий фиқҳий манбаларимизда шундай дейилади: “Рўзадорнинг томоғига кўз ёшлари, тер томчилари, бурнидан оққан қон, ёмғир ёки қор етса, рўзаси бузилади. Чунки гоҳида оғизни очиб, гоҳида юмиб, томоққа юқорида саналган нарсалар кетишидан сақланиш осон. Агар мазкур нарсаларни билиб туриб ютса, каффарот вожиб бўлади” (“Баҳрур роиқ” китоби).

”(“Иноя шарҳул ҳидоя” китобида эса шундай дейилади: “Ёмғир ва қор (томоқдан ўтса рўзани бузиши) ҳақида уламолар ихтилоф қилишган, тўғрироғи рўзани бузади. Чунки ундан чодир ёки бошқа бошпана ёрдамида сақланиш мумкин”.


Мақола муаллифи

Теглар

Рамазон

Баҳолаганлар

150

Рейтинг

3

Мақолага баҳо беринг

Дўстларингиз билан улашинг