Россиядаги колониядан туннель қазиб қочган ўзбекистонликлар жазоланди

Россиянинг Липецк шаҳри суди 2024 йилнинг октябрь ойида колониядан 30 метрлик туннель қазиб қочиб кетган олти маҳбусга ҳукм ўқиди. Бу ҳақда “Коммерсантъ” хабар берди.

Маълум қилинишича, ушбу маҳбуслар умумий тартибдаги колонияда жазони ўтаётган пайтларида икки ой давомида туннель қазиш учун металл варақлар, трубанинг бўлаги, белкурак ва диск ишлатган. 30 метрдан ортиқ узунликдаги туннель қазилган ва у колония деворидан пастда жойлашган. 2024 йилнинг 25 октябрь куни бешта Ўзбекистон фуқароси ва бир нафар Тожикистон фуқароси шу туннель орқали қочиб кетган. Бешта қочқин дарҳол ушланган, охиргиси эса ўтган йилнинг 6 ноябрь куни топилган.

Улар колонияда зўрлаш ва наркотиклар савдоси билан шуғулланишгани учун жазо ўтаётган бўлган. 

Шундай қилиб, маҳбуслар Россия Жиноят кодексининг 313-моддаси (эркинликдан маҳрум этиш жойидан гуруҳ бўлиб қочиш) бўйича айбдор деб топилиб, 4,5 йилдан 12,5 йилгача бўлган муддатга озодликдан маҳрум этилган.

Эслатиб ўтамиз, аввалроқ Россия-Украина урушида қатнашган Ўзбекистон фуқаросига 4 йил озодликни чеклаш жазоси тайинланган эди.