Россияда мигрантлар содир этган жиноятлар камайгани қайд этилди

2024 йилда Россияда хорижликлар томонидан содир этилган жиноятларнинг умумий сони 0,9 фоизга, улар содир этган талончиликлар сони 27 фоизга, ўғирликлар эса деярли 26 фоизга камайди. Бу ҳақда мамлакат Ички ишлар вазирлигининг Миграция масалалари бош бошқармаси хабар берди.

“2024 йил якунига кўра жиноят содир этган хорижий фуқаролар сони 3,8 фоизга камайди. Хорижий фуқаролар томонидан содир этилган жиноятларнинг умумий сони 0,9 фоизга камайди. Хусусан, статистик маълумотларга кўра, хорижликлар томонидан оғир ва ўта оғир жиноятлар содир этилган”, дейилади баёнотда.

Штабнинг таъкидлашича, хорижликлар ўртасида жиноятчиликнинг умумий камайиши фонида талончилик хуружлари сони сезиларли даражада – 27 фоизга, талончилик – 25,8 фоизга камайган. Шунингдек, гиёҳванд моддаларнинг ноқонуний айланиши билан боғлиқ жиноятлар 12,3 фоизга, қасддан баданга оғир шикаст етказиш ҳолатлари 12,5 фоизга, қотиллик ва одам ўлдиришга суиқасд қилиш 6,7 фоизга камайган.

“Хорижий фуқаролар томонидан содир этилган ўғирликлар сони ҳам 9,2 фоизга камайди”, дейилади бошқарма хабарида. 

Эслатиб ўтамиз, ўтган йилнинг 17 декабрь куни Россиянинг Москва шаҳрида содир бўлган портлаш қурбони бўлган мамлакат Қуролли кучларининг Радиация, кимёвий ва биологик ҳимоя қўшинлари бошлиғи генерал-лейтенант Игорь Кириллов ва унинг ёрдамчиси Илья Поликарповнинг ўлимида гумон қилиниб, ўзбекистонлик 29 ёшли эркак ушланганди. Ўзбекистон фуқароси қўмита томонидан ФХХ ва ИИВ ҳамкорлигида қўлга олинганди. Билдирилишича, ўзбекистонлик Украина махсус хизматларининг кўрсатмаси билан Москвага келган ва қўлда ясалган портловчи мосламани Игорь Кириллов яшаган тураржой биносига кираверишда турган электр самокатга қўйган. Оқибатда мудҳиш воқеа содир бўлган.