Россия Одессага йирик дрон ҳужуми уюштирди

Бугун, 27 январь куни эрталаб Россия Қуролли кучлари Одессага 50 дан ортиқ ҳужумкор дронлар билан ҳужум қилди. Оқибатда 22 киши яраланган, Харьков ва унинг атрофидаги ҳудуднинг қарийб 80 фоизи электрсиз қолган. Бу ҳақда “Рубрика” хабар берди.

Шаҳар ҳарбий маъмурияти раҳбари Сергей Лисакнинг сўзларига кўра, асосий зарбалар энергетика ва фуқаролик объектларига қаратилган. Бешта турар-жой биноси шикастланган, квартиралар ва кириш жойлари жиддий вайрон бўлган. Шунингдек, битта дрон Евангелий черковига зарба берган.

Украина Фавқулодда вазиятлар давлат хизмати маълумотларига кўра, икки қаватли турар-жой биносига зарар етказилган. Бошқа манзилда икки қаватли бинонинг иккинчи қаватидаги хонадон вайрон бўлган. Бундан ташқари, тўрт қаватли турар-жой биносининг иккинчи қаватидан тўртинчи қаватигача бўлган квартиралар вайрон бўлган. Тўққиз қаватли бинода ёнғин чиққан. 3 киши вайроналар остида қолган бўлиши мумкин. Ҳозирда қутқарув ишлари олиб борилмоқда.

Днепропетровск вилоят ҳарбий маъмурияти бошлиғи Александр Ганжанинг сўзларига кўра, Россия дронлари Кривой Рокка ҳужум қилган. Тўққиз қаватли бинога қилинган зарба квартирада ва балконларда ёнғинга сабаб бўлган. Қутқарувчилар 15 кишини эвакуация қилган ва ҳеч ким жароҳат олмаган.

Кеча, 26 январь оқшомида ҳам Россия кучлари Харьковга қўшма ҳужум уюштирган. Ҳужум оқибатида икки киши жароҳат олган ва иккита мактабга зарар етказилган, энергетика инфратузилмасига жиддий ҳамда путур етган.

Эслатиб ўтамиз, Янги йил кечасида Россия ҳарбийлари Украинага қарши 205 та дрон ёрдамида кенг кўламли ҳужум уюштиргани ҳақида хабар берилганди.