Роналдунинг клуби марҳум футболчининг оиласига маблағ хайрия қилади

25 фоиз акциялари Криштиану Роналдуга тегишли бўлган Испаниянинг “Алмерия” клуби ҳужумчи Хесус де Мигелнинг фожиали ўлимидан сўнг “Тенерифе”га қарши учрашувдан тушадиган барча маблағни футболчининг оиласига хайрия қилишга қарор қилди. Бу ҳақда клуб матбуот хизмати хабар берди.

Клуб расмий баёнотга кўра, 2027 йил 11 апрель куни бўлиб ўтиши белгиланган Испания Сегундасининг 34-туридан ўрин олган баҳс учун чипталар савдосидан тушган маблағ марҳум футболчининг яқинларига топширилади.

Ушбу ташаббус клуб президенти Муҳаммад Ал-Херажи томонидан илгари сурилган.

“Алмерия” ўз баёнотида бундай оғир дамда ҳамжиҳатлик ва ўзаро қўллаб-қувватлаш футбол жамоатчилигининг энг муҳим қадриятларидан бири эканини билдирган. Шунингдек, агар вазият имкон берса, клуб марҳум футболчининг оиласини учрашувга таклиф қилиш ниятида.

Эслатиб ўтамиз, 30 ёшли Хесус де Мигель “Тенерифе” сафида “Андорра”га қарши ўтказилган учрашув якунида рақиб дарвозабони Хесус Овоно билан тўқнашиб кетганидан сўнг шифохонага олиб кетилган ва кейинчалик вафот этган.