“Реал” ва “Сити”дан кейин “Байер” аъзоси учун курашга “Барселона” ҳам қўшилди

Спорт

−

18 Февраль 2025 visibility1612 timer1 дақиқа

“Байер” ярим ҳимоячиси Флориан Вирцга Каталониянинг “Барселона” клуби қизиқиш билдирмоқда. Бу ҳақда “El Nacional” хабар берди.

Манбага кўра, “Transfermarkt” томонидан баҳоси 140 миллион еврога баҳоланган 21 ёшли футболчини Каталония гранди Жамол Мусиала “Бавария” билан шартномасини узайтирганидан сўнг ёзги трансфер ойнасида ўз сафига қўшиб олиш учун вариант сифатида кўрмоқда

Испания клуби президенти Жоан Лапорта ва спорт директори Деку трансфер устида иш бошлади. Футболчига “Реал” ва “Манчестер Сити” клублари ҳам қизиқиш билдирмоқда. Ҳатто “Реал” ва “Сити” Вирц учун Каталония клубидан жиддийроқ маош таклиф қилишлари мумкин.

Флориан Вирц жорий мавсумда клуб миқёсида 35 та ўйин ўтказиб, 15 та гол урди ва 12 та голли узатмани амалга оширди. Футболчининг “Байер” билан амалдаги шартномаси 2027 йил ёзига қадар мўлжалланган.

Мақола муаллифи