“Real” va “Barselona” “Bayer” a’zosi uchun kurashmoqchi

Sport

−

10 oktabr 2024 visibility4698 timer1 daqiqa

Ispaniyaning “Real Madrid” va ”Barselona” klublari “Bayer” himoyachisi Jonatan Taga qiziqish bildirmoqda. Bu haqda futbol jurnalisti Kristian Falk X sahifasida ma’lum qildi.

Manbaga ko‘ra, “Real” “Bayer” bilan shartnomasi 2025 yilning yoziga qadar amal qiladigan himoyachi vakillari bilan muzokara olib borgan. “Barselona” ham vaziyatni kuzatib bormoqda va nemis himoyachisiga taklif bilan chiqishga tayyor. Ta 2025 yilning yanvarida kelajagi haqida qaror qabul qilishi kutilmoqda.

Jonatan Ta 2015 yilning yozida “Gamburg”dan “Bayer”ga ko‘chib o‘tgandi. Joriy mavsumda futbolchi nemis klubi safida to‘rtta o‘yinda maydonga tushdi. “Transfermarkt” internet portalida berilgan ma’lumotlarga ko‘ra, 28 yoshli futbolchining bozor qiymati 30 million yevroni tashkil qiladi.

Maqola muallifi