“Реал” клублар ўртасидаги Жаҳон чемпионатида ғолиб бўлди

Марокаш мезбонлик қилган футбол бўйича клублар ўртасидаги Жаҳон чемпионати финал баҳсида Испаниянинг “Реал” клуби Саудия Арабистонининг “с” жамоаси билан куч синашди. 

Англиялик Энтони Тейлор бошқариб борган баҳсда умумий 8 та гол киритилди.

Мадридликлар учрашувнинг 13-дақиқасида Винисиуснинг голи эвазига ҳисобда олдинга чиқиб олди. Орадан 5 дақиқа ўтиб “қаймоқранглилар” ўз устунлигини мустаҳкамлади – гол Федерико Вальверде томонидан киритилди. 26-дақиқада “Ал-Ҳилол” ҳисобдаги фарқни қисқартира олди – голга Мусса Марега муаллифлик қилди.

54-дақиқада Винисиуснинг узатмасидан сўнг Карим Бензема рақиб дарвозасини ишғол қилди. Орадан 4 дақиқа ўтиб “Реал Мадрид” Федерико Вальверде томонидан киритилган голдан сўнг ҳисобни йирик кўринишга келтирди. 63-дақиқада Лусиано Вьетто ҳисобдаги фарқни иккитага қисқартирди, орадан олти дақиқа ўтиб “Реал” аъзоси Винисиус дубл қайд этди. 79-дақиқада Лусиано Вьетто ҳам дублга эришди.

Қолган дақиқалар давомида таблодаги ҳисоб ўзгармади. Мадриднинг “Реал” клуби 5:3 ҳисобида ғалаба қозониб, клублар ўртасидаги Жаҳон чемпионати ғолибига айланди.

Чемпионат якунларига кўра, “Реал” футболчиси Винисиус Жуниор турнирнинг энг яхши футболчиси деб топилди. Фейр-плей мукофитини ҳам испан клуби қўлга киритди.

Маълумот учун, “қироллик клуби” ўз тарихида 5 марта мазкур совринга эга чиқди. “Реал” футбол тарихида ушбу совринни энг кўп ютган жамоа ҳисобланади.