“Реал” Беллингем трансфери бўйича расмий таклиф тайёрламоқда
Спорт
−
16 Май 2023 3487
Мадриднинг “Реал” клуби тез орада Жуде Беллингем учун расмий таклиф юборади. “Қаймоқранглилар” бир неча ҳафта олдин 19 ёшли англиялик ярим ҳимоячи билан шахсий шартнома тафсилотларини келишиб олганди. Бу ҳақда футбол журналисти Фабрицио Романо Twitter саҳифасида маълум қилди.
Айтилишича, “Реал Мадрид” ҳозирда Дортмунднинг “Боруссия” клубига расмий таклиф тайёрламоқда. Таклиф бонусларни ҳам ўз ичига олади.
Шу билан бирга, мадридликлар “Боруссия”нинг Бундеслигада чемпионлик учун курашаётганини инобатга олиб, таклифни чемпионлик масаласи ҳал бўлганидан кейин юбориши мумкин.
Қайд этилишича, “Реал” ва “Боруссия” Жуднинг трансфери бўйича 100+40 миллион евро схемаси бўйича келишиб бўлган.
Беллингем жорий мавсум Бундеслиганинг 31 ўйинида 8 та гол урди ва 4 та голли узатмани амалга оширди.
Live
Барчаси
