Расман! Михайло Мудрик “Тоттенхэм”га  ўтди

Украиналик футболчи Михайло Мудрик “Челси”дан ижара асосида Англиянинг “Тоттенхэм” клубига ўтди. Бу ҳақда клуб матбуот хизмати хабар берди.

Лондон клуби хабарига кўра, ижара шартномаси жорий мавсум охирига қадар амал қилади. Жорий йилнинг 31 июль куни Англия Футбол ассоциацияси (FA) Мудрикнинг дисквалификациясини бекор қилди. Томонлар Бутунжаҳон антидопинг агентлиги (WADA) розилиги билан интизомий ишни якунлади. 

Тергов давомида футболчи допинг қабул қилганини тан олган ва келишувга мувофиқ, аввал ўталган муддатга тенг дисквалификация жазосини қабул қилган.

2024 йил декабрь ойида “Челси” Мудрикнинг допинг-тестдан ўта олмаганини тасдиқлаган эди. Шундан сўнг Англия Футбол ассоциацияси украиналик футболчини мусобақалардан четлатган.

2026 йил апрель ойида FA Мудрикни тўрт йилга дисквалификация қилгани ва иш Спорт арбитраж судига юборилганини маълум қилган эди.

Маълумот учун, 25 ёшли Мудрик 2024-2025 йилги мавсумда турли мусобақаларда 15 та учрашувда майдонга тушиб, 3 та гол урди ва 5 та голли узатмани амалга оширди. У “Челси” сафида жами 73 та ўйинда иштирок этиб, 10 та гол ва 11 та ассист қайд этган.