Расман: бензин нархи оширилмайди, балки арзонлашиши кутилмоқда
Жамият
−
30 Апрель 2023 12847
Ижтимоий тармоқларда 1 майдан “UNG petro” корхонасига карашли ёқилғи қуйиш шохобчалари тармоғида АИ-92 бензинига чегирмалар якунланиши, бензин нархи ошиши ҳақида хабарлар тарқалган эди. Энергетика вазирлиги ташкилот ичида тарқалган ушбу хабарни рад этиб, АИ-92 маркали автобензинининг нархи ошмаслигини маълум қилди.
Билдирилишича, 2023 йил 1 майдан бошлаб “Ўзбекнефтгаз” АЖга қарашли автомобилларга ёқилғи қуйиш шохобчаларида АИ-92 маркали автобензинининг нархи оширилмайди.
“UNG petro” МЧЖ масъул ходимлари бу борадаги хабарни шошма-шошарлик билан, раҳбарият билан келишмасдан ижтимоий тармоқда эълон қилган ва бу ҳолат бўйича уларга нисбатан тегишли чоралар кўрилади”, дейилади хабарда.
Таъкидланишича, кўрилаётган чоралар натижасида АИ-92 маркали автобензин нархи май ойи ичида 7500 сўмдан ҳам арзонлашиши кутилмоқда.
