Путиннинг телефон ишлатмаслиги сабаби айтилди

Олам

−

18 Декабрь 2020 visibility21265

Россия Федерацияси Президенти Владимир Путиннинг Матбуот котиби Дмитрий Песков Путиннинг нима сабабдан мобиль телефон ишлатмаслиги ҳақида маълумот берди.

Песковнинг таъкидлашича, агар одамда мобиль телефон бўлса, демак у тўлиқ шаффофликка, ўз ҳаётини умумий экранга чиқаришга тайёр бўлиши керак. Айнан шунинг учун Россия раҳбари смартфон ишлатмайди.

"Смартфонга эга бўлиш – бу шунчаки ихтиёрий кўргазмачилик, тўлиқ шаффофлик... Афсуски, дунё шундай тузилган. Президентда эса бундай бўлмаслиги керак, айниқса, Россия сингари давлатда ва Путин каби Президентда", дея таъкидлаган Песков.

Матбуот котибининг сўзларига кўра, Путин учун ахборот материаллари тайёрлашда ҳали ҳам босма нашрлари бўлган папкалардан фойдаланилмоқда. Бироқ, Президентнинг ўзи маълумотларни баъзан интернетдан кузатиб туради ёки телевизордан фойдаланади.

Мақола муаллифи