Путиннинг одами Тошкентга келди. У Президент билан учрашади
Олам
−
11:16 6559 1 дақиқа
Россия Федерацияси Президенти Администрацияси раҳбарининг биринчи ўринбосари Сергей Кириенко бугун, 15 апрель куни Ўзбекистонга келди. Бу ҳақда Ўзбекистон Республикаси Президенти Матбуот котиби Шерзод Асадов маълум қилди.
Кириенкони аэропортда Шерзод Асадов ва Россиянинг Ўзбекистондаги элчиси Алексей Ерхов кутиб олган.
Асадовга кўра, ташриф доирасида бугун Сергей Кириенко Ўзбекистон Республикаси Президенти Шавкат Мирзиёевнинг қабулида бўлади.
“Мамлакатларимиз етакчиларининг сиёсий иродаси ва биргаликдаги саъй-ҳаракатлари туфайли Ўзбекистон – Россия муносабатлари стратегик шериклик ва иттифоқчилик руҳида изчил ривожланиб, янги амалий мазмун билан бойиб бормоқда”, дейилади Асадов ёзган хабарномада.
Эслатиб ўтамиз, Ўзбекистон Республикаси Президенти Администрацияси раҳбари Саида Мирзиёева 2025 йилнинг май ойида Россияда бўлиб, Ҳукумат раиси Михаил Мишустин, Федерал Мажлис Федерация Кенгаши раиси Валентина Матвиенко, жумладан Президент Администрацияси раҳбарининг биринчи ўринбосари Сергей Кириенко билан учрашиб қайтганди.
Live
Барчаси
