Путин етакчиларни қандай овқатлар билан меҳмон қилди?

Кеча, 8 май куни Кремль саройида Ғалаба байрами муносабати билан байрам дастурхони ёзилди. Россия Президенти Владимир Путин ва унинг хорижлик меҳмонлари, 27 давлатнинг олий мансабдор шахслари кечки овқатда қаймоқ, кийик гўшти қўшилган балиқ шўрвасини еб, рус виноларини ичди. Меню “Пул первого” ​​Telegram-канали томонидан эълон қилинди

Биринчи таом

Аввалига Кремль меҳмонларига қисқичбақа ва қулупнай қўшилган салат, сўнгра балиқлар ва икра билан чучвара тортилди. Биринчи таом учун иккита танлов бор эди: бузоқ гўшти билан борш ёки балиқ шўрва.

Иккинчи таом

Иккинчи овқат олдидан давлат раҳбарлари мевали шарбат татиб кўрди. Иккинчи таом кенгроқ танловга эга эди: мини-сабзавотли ҳалибут филеси, ёввойи қўзиқоринли кийик гўшти ёки қушқўнмас билан карамелланган ўрдак.

Десерт ва винолар

Десерт учун меҳмонларга ванилли музқаймоқли олма пироги таклиф қилинди. Қримдан оқ ва Краснодар ўлкасидан қизил вино келтирилди. Икки вино ҳам 2022 йилда ишлаб чиқарилган. Вино заводининг расмий веб-сайтида оқ винонинг 0,75 литрли шишасининг нархи 2,5 минг рублни ташкил қилади.

Кремль бош ошпази Анатолий Галкиннинг маълум қилишича, Кремлда Ғалаба кунини нишонлаш учун меню Янги йилдан кейин тайёрлана бошланади. Овқатларни татиб кўриш ва тасдиқлаш байрамга қадар амалга оширилади.