Путин Пашинян билан Қорабоғдаги вазиятни муҳокама қилди

Олам

image

Россия Президенти Владимир Путин Арманистон Бош вазири Никол Пашинян билан телефон орқали суҳбатлашди. Бу ҳақда Кремль Матбуот хизмати сайтида хабар берилган.

“Тоғли Қорабоғ атрофидаги вазиятни муҳокама қилишда минтақадаги вазият барқарорлашгани ва умуман тинчлигича қолаётгани мамнуният билан таъкидланди”, дейилади хабарда.

Томонлар, шунингдек, энергетика соҳасидаги ҳамкорлик ва пандемияга қарши курашни муҳокама қилган. Суҳбат Арманистон томонининг ташаббуси билан бўлиб ўтган.

Тоғли Қорабоғда Озарбайжон ва Арманистон ўртасидаги 44 кунлик можаро ўтган йилнинг 10 ноябрида уч томонлама сулҳ битими билан якунланди. Озарбайжон Тоғли Қорабоғ билан қўшни етти вилоят, шунингдек, Шуша ва Ҳадрут шаҳарлари устидан назоратни тиклади. Россиянинг тинчликпарвар кучлари ҳудуднинг қолган қисмида жойлашган.


Мақола муаллифи

Теглар

Баҳолаганлар

177

Рейтинг

2.9

Мақолага баҳо беринг

Дўстларингиз билан улашинг