Путин болалигида ким бўлишни хоҳлаганини маълум қилди

Олам

image

Россия Президенти Владимир Путин Владивостокдаги “Океан” Умумроссия болалар мактаби ўқувчилари билан учрашди. Учрашув давомида у болалигида ким бўлишни орзу қилганини айтди. Бу ҳақда РИA Новости хабар бермоқда

Маълум бўлишича, Путин болалигида денгизчи ёки учувчи бўлишини хоҳлаган. Бундан ташқари у разведка ҳизмати ходими бўлиб ишлашни ҳам орзу қилган ва орзусига етган. 

“Кўп ўғил болалар сингари, мен ҳам биринчи бўлиб денгизчи, кейин учувчи, кейин разведка хизмати ходими бўлишни хоҳлаганман ва бу орзу амалга ошди. Баъзида мен булар қандай содир бўлганига ҳайрон қоламан. Чунки, хоҳлайман дейиш билан ҳамма нарсага эришиб бўлмайди. Лекин мен орзуимга эришдим”, деган Владимир Путин. 

Аввалроқ, Путин президентликдан кетгач, ишлаш учун ҳеч қандай сабаб кўрмаётганини ва “печка устида ўтиришни” режалаштираётганини айтиб ҳазиллашган эди. 

Шунингдек, Владимир Путин “Президент билан тўғридан-тўғри алоқа” лойиҳасида вақти келганда Россияни ким бошқаришини айтишини маълум қилганди. 

Маълумот ўрнида, Путин 1999 йилдан бери Россияга раҳбарлик қилиб келади.


Мақола муаллифи

Теглар

Баҳолаганлар

822

Рейтинг

2.9

Мақолага баҳо беринг

Дўстларингиз билан улашинг