ПСЖ клубининг энг ёш футболчиси Чемпионлар лигаси тарихига кирди
Спорт
−
15 Февраль 2023 4513
ПСЖ клубининг 16 ёшли футболчиси Уоррен Заир-Эмери Чемпионлар лигаси баҳсида майдонга тушиб, ёшига нисбатан рекорд қайд этди. Бу ҳақда “The Sun” нашри хабар берди.
Кеча, 14 февраль куни Чемпионлар лигаси плей-офф босқичи доирасида ПСЖ ва “Бавария” учрашуви бўлиб ўтди. Меҳмон жамоа парижликларни 1:0 ҳисобида мағлуб этди. Эътиборлиси шундаки, кечаги ушбу муҳим учрашувда 16 ёшли ПСЖ клуби қанот ҳимоячиси Уоррен Заир-Эмери ҳам майдонга тушган.
У жорий мавсумда 15 та катта ўйинда майдонга тушиб, 3 та гол урган, бу эса унинг ёшига нисбатан юқори натижа ҳисобланади. Ажабланарли томони шуки, жамоадошлари Лионель Месси ва Серхио Рамос учрашувларда дебютлар қайд этган пайтда у ҳали дунёга келмаган бўлган.
Мухлислар ҳамда жамоадошлари уни ўзга сайёралик деб атаб, ўйинда ҳатто унинг олдида гўёки ўзларини қаридек ҳис қилишларини айтиб, ҳазил қилган.
Муштарий Ғаниева
Live
БарчасиБухорода Ғиждувон деҳқон бозори ёнмоқда.
14 Декабрь