Польшага ҳам Abrams танклари берилади

Польша армияси бу йил илк марта Американинг 58 та Abrams танкини олади. Бу ҳақда бугун, 26 январь куни Польша бош вазири ўринбосари, миллий мудофа вазири Мариуш Блашак “Польша радиоси”га берган интервьюсида маълум қилган.

Қайд этилишича, бу йил 58 та Abrams танклари Польшага етиб келади. Танкларнинг дастлабки партиясини баҳорда олиб келиш режалаштирилмоқда.

Блашакнинг сўзларига кўра, Польшага келтиралаётган Abrams танклари энг сўнги русумдаги танклар эмас. 

“Келгуси йил охиригача уларни олиш устида ишлаяпмиз. Ҳозирча булар эски авлод танклари, яъни ишлатилган танклар бўлади, улар ёрдамида биз эски Т-72 танкларини Украинага етказиб берганимиздан кейин йўқотишларни қоплаймиз”, дейди вазир.

Польша Мудофаа вазирлиги республика томонидан 250 та Abrams танки харид қилингани ҳамда кейинчалик АҚШдан яна 116 та эскирган Abrams сотиб олинишини маълум қилган.

Алибек Бейжанов