Покистон Исроилга қарши араб-ислом гуруҳини тузишга чақирди

Покистон Бош вазири Шахбоз Шариф кеча, 15 сентябрь куни Доҳада бўлиб ўтган Ислом ҳамкорлик ташкилоти (ИҲТ) ва Араб давлатлари лигаси (АДЛ)нинг қўшма саммитида Тель-Авивнинг экспансионист эҳтиёжларига қарши курашиш учун араб-ислом оператив гуруҳи тузишни таклиф қилди.

Унинг айтишича, Исроил ҳужумлари бепарво ва провокацион хатти-ҳаракатлар бўлиб, улар Яқин Шарқда тинчликка қаратилган саъй-ҳаракатларнинг йўлга қўйилишига тўсқинлик қилади. Шу сабабли, у Тель-Авив ҳукуматининг экспансионист режаларини тўхтатиш мақсадида араб-ислом оператив гуруҳини тузишни таклиф қилди.

Бош вазирнинг таъкидлашича, Исроилнинг Қатарга қилган ҳужуми Қатарнинг суверенитети ва ҳудудий яхлитлигининг очиқ-ойдин бузилиши ҳисобланади. У Покистон бутунлай Қатар билан бирдам эканини урғулади.

“Ҳатто уруш давридан ҳам тинчликпарвар хизматчиларнинг роли доимий муқаддас ва ҳимоя қилинган бўлиши шарт. Улар заиф умидларнинг ташувчиларидир”, деди у.

Шаҳбоз Шарифнинг сўзларига кўра, Исроил томонидан минтақада амалга оширилаётган геноцид Ғазо секторини “рухсатсиз вайроналарга” айлантирган. Исроил ҳарбий жиноятлар учун жавобгарликка тортилиши лозим, унинг БМТ аъзолиги вақтинча тўхтатилиши керак ва араб ҳамда ислом давлатлари Исроилга нисбатан кўпроқ қаттиқ чоралар қўллаши зарур.