Парламентда йўқ бўлган демократия жамиятда бор бўлмайди - Латипов

Халқ депутатлари Тошкент шаҳар Кенгашининг собиқ депутати Обиджон Латипов Расул Кушербоевнинг парламентдан кетиш сабабига ўз муносабатини билдирди. Бу борада у QALAMPIR.UZ’га интервью берди.

“Бир нарсани эсдан чиқаришимиз керак эмас – депутатга сўз эркинлиги, фикр билдириш эркинлиги берилмаса, бу жуда ҳунук манзара. Чунки парламентда йўқ бўлган демократия жамиятда асло бор бўлмайди”, дейди Латипов.

Шунингдек, у бунинг ёмон оқибатларидан огоҳлантирди.

“Бу эртанги кунда демократик жамият қурмоқчи бўлган ҳолатимизда жуда ҳунук манзара ва яхшигина сигнал”, дейди собиқ депутат.

Эслатиб ўтамиз, аввалроқ Кушербоевнинг депутатлик ваколати расман тугатилгани, Марказий сайлов комиссияси бир овоздан унинг кетишини қўллаб-қувватлагани, ундан, ҳатто, бунинг сабабини сўрашмагани ҳақида маълум қилган эдик. 

Обиджон Латипов билан видеоинтервьюни юқоридаги видеоплеерда ёки QALAMPIR.UZ’нинг YouTube саҳифасида томоша қилишингиз мумкин.