Папа “Реал”нинг фахрий аъзосига айланди

Рим Папаси Лев XIV “Реал Мадрид” футбол клубининг фахрий аъзоси этиб тайинланди. Бу ҳақда Мадрид клуби матбуот хизмати хабар берди. 

Клуб баёнотига кўра, Флорентино Перес раислигида ўтган “Реал Мадрид” директорлар кенгаши йиғилишида Папа Лев XIVга клубнинг энг юқори мукофотларидан бири – фахрий аъзолик унвонини бериш тўғрисида қарор қабул қилинган.

Шунингдек, жорий йилнинг 8 июнь куни Папа Лев XIV Мадрид епархияси билан учрашув доирасида “Сантьяго Бернабеу” стадионига ташриф буюрган. Флорентино Перес унга исми ва 1 рақами туширилган махсус “Реал Мадрид” футболкасини ҳамда стадион макетини совға қилган. Ўз навбатида, Папа Лев XIV клуб президентига эсдалик медалини топширган.

Клуб баёнотида айтилишича, “Реал Мадрид” бу қарор орқали миллиардлаб инсонларни ифодаловчи ва дунё бўйлаб тинчлик, бирдамлик ҳамда адолатни тарғиб қилувчи шахсга бўлган ҳурмат ва эътирофини намоён этган.

Аввалроқ, Лев XIV “Реал Мадрид” ва “Барселона” ўртасидаги рақобатда мадридликлар жамоасини афзал кўришини маълум қилган.