“Олтин тўп”ни ютишга даъвогарлар рўйхати эълон қилинди

Футбол оламидаги энг нуфузли шахсий соврин “Олтин тўп” ҳисобланади. 2022 йилда ҳам ушбу соврин учун кураш қизғин кечмоқда.

“Francе Football” нашри жорий йилнинг март ойида “Олтин тўп” учун овоз бериш қоидалари ўзгарганини эълон қилди. Энг муҳими, мукофот бир календар йили учун эмас, балки бир мавсум давомидаги ўйинлар асосида бериладиган бўлди.

Бу шуни англатадики, жорий йилнинг ноябрь ойида бошланиши режалаштирилган ЖЧ-2022даги ўйинлар бу йилги “Олтин тўп” соврини учун ҳеч қандай қўшимча имконият тақдим этмайди. Яъни Жаҳон чемпионати 2023 йилги мукофотни ютиш учун даъвогарларга имконият беради.

Англиянинг “Goal” нашри 2022 йилда “Олтин тўп”ни қўлга киритишга асосий номзодлар рўйхатини эълон қилди.

“Олтин тўп”ни ютишга даъвогар сифатида эътироф этилаётган 10 нафар футболчи билан танишинг:

1. Роберт Левандовски (“Бавария”) (51 та гол 8 та голли узатма 2021-2022 мавсумдаги статистикаси);
2. Карим Бензема (“Реал Мадрид”) (37 та гол 13 та голли узатма;
3. Муҳаммад Салоҳ (“Ливерпуль” (30 та гол 14 та голли узатма);
4. Килиан Мбаппе (ПСЖ) (37 та гол 25 та голли узатма);
5. Лука Модрич (“Реал Мадрид”) (6 та гол 9 та голли узатма);
6. Садио Мане (“Ливерпуль”) (20 та гол 4 та голи узатма);
7. Бернарду Силва (“Манчестер Сити”) (11 та гол 7 та голли узатма);
8. Рияд Маҳрез (“Манчестер Сити”) (27 та гол 9 та голли узатма);
9. Винисиус Жуниор (“Реал Мадрид”) (17 та гол ва 13 та голли узатма);
10. Трент Александр-Арнолд (“Ливерпуль”) (2 та гол 20 та голли узатма).

Маълумот ўрнида, “Манчестер Юнайтед” ҳужумчиси Криштиану Роналду ушбу рейтингда энг охирги ўринда қайд этилган. Яъни Роналду 20-ўринни банд қилиб турибди. “Олтин тўп”нинг 7 карра соҳиби Лионель Месси даъвогарлар қаторига киритилмаган.

Маъруф Абдумаликов