Олимпиадада қанча африкалик спортчи иштирок этаётгани маълум бўлди

2026 йилги қишки Олимпия ўйинларида иштирок этаётган африкалик спортчилар сони аввалги Олимпиадага нисбатан 2,5 баравар кўпайган. Бу ҳақда Африка Иттифоқи матбуот хизмати маълум қилди.

“Қишки Олимпия ўйинлари бошланиши билан биз саккиз мамлакатдан келган 15 нафар африкалик спортчини қарши оламиз: Жанубий Африка, Кения, Мадагаскар, Марокаш, Нигерия, Гвинея-Бисау, Бенин ва Эритрея. Бу йил африкаликлар иштироки Пеки–2022 Қишки Олимпиадасига қараганда анча юқори. Ўшанда беш мамлакатдан атиги олти нафар спортчи қатнашганди”, дейилади расмий баёнотда.

Делегациялар таркибига кўра, Жанубий Африка беш нафар спортчи билан энг катта делегацияни тақдим этади. Мадагаскар, Марокаш ва Кения иккитадан спортчи билан иштирок этади. Бенин, Гвинея-Бисау, Нигерия ва Эритрея шарафини эса биттадан спортчи ҳимоя қилади.

Африкалик спортчилар тоғ чанғиси, кросс-чанғи, эркин чанғи ҳамда скелетон йўналишларида баҳс олиб боради.

Маълумот учун, 2026 йилги қишки Олимпия ўйинлари жорий йилнинг 22 февраль кунига қадар Италиянинг Милан ва Кортина-д’Ампеццо шаҳарларида бўлиб ўтади.