Немислар нақд пулни яхши кўради

Молиявий бозорнинг таркибий таҳлили шуни кўрсатадики, нақд пулдан рақамли тўловларга ўтиш чўққисига чиқди. Энг йирик бозорларда, АҚШ ва Буюк Британияда истеъмолчилар ўз транзакцияларининг 10 фоиздан камини нақд пулда амалга оширадилар. Европа иқтисодиётининг локомотиви - Германияга келсак, нақд пул тўловлари учун квоталар ҳали ҳам юқори. Бу ҳақда бугун, 14 октябрь куни эълон қилинган Boston Consulting Group (BCG) консалтинг компаниясининг Global Payments Report 2024 ҳисоботида сўз боради.

Билдирилишича, анъанавий равишда нақд тўловларга содиқ бўлган Германияда электрон тижорат томон сезиларли силжиш кузатилмоқда. 2010 йилдан 2023 йилгача нақд тўловлар улуши қарийб 50 фоиздан 25 фоизгача камайди. BCG таҳлилчилари йиллик тадқиқотида 2023 йилда аҳоли жон бошига ўртача 304 та электрон тўлов тўғри келган. Натижада нақд пулсиз ҳисоб-китобларнинг оммабоплиги бўйича Германия Европада таққослашда охирги ўринни эгаллайди.

Европада 2023 йилда нақд пулсиз тўловлар бўйича етакчилар Норвегия (аҳоли жон бошига йилига 815 та транзакция), Люксембург (753), Ирландия (705) ва Дания (675) бўлди. Аммо рейтингнинг энг қуйи қисмида жойлашган Германияга Италия (аҳоли жон бошига 194 та нақдсиз операциялар), Мальта (243), Испания (288) ва Австрия (300) каби давлатлар қўшилди.

Ушбу Европа мамлакатларида кредит ва дебет карталари, шунингдек, махсус иловалар ва бошқа электрон тўлов воситаларидан фойдаланган ҳолда тўловлар Германиядагига қараганда камроқ машҳур.

Германия федерал банки Бундесбанк ҳар йили истеъмолчи сўровини ўтказади. Ушбу тенденция аниқ ва BCG маълумотларига мос келади: нақд тўловлар Германияда ҳам машҳурлигини йўқотмоқда. 2008 йилда нақд пул тўлаш квотаси ҳали ҳам тахминан 83 фоизни ташкил этди.