Наманганда Lacetti сойга тушиб кетди
3-саҳифа
−
25 Апрель 1731 1 дақиқа
Бугун, 25 апрель куни Наманган вилояти Тўрақўрғон туманида Lacetti сойга тушиб кетди. Бу ҳақда Фавқулодда вазиятлар вазирлиги хабар берди.
Қайд этилишича, “Оқтош” маҳалласида ҳаракатланган автомобиль ҳайдовчиси бошқарувни йўқотиши оқибатида йўл-транспорт ҳодисасини содир этган.
Мазкур ҳодиса юзасидан “112” тизими орқали Наманган вилояти ФВБга хабар келиб тушган. Қутқарувчилар айтилган манзилга етиб бориб, атрофдаги кўнгилли фуқаролар билан биргаликда сойга тушиб кетган автомобиль ичидаги 2 фуқарони қутқарган. Улар хавфсиз ҳудудга олиб чиқилгач, тез тиббий ёрдам ходимларига топширилган.
Эслатиб ўтамиз, аввалроқ Сурхондарё вилояти Сариосиё туманида Gentra ҳайдовчиси машинасини қўл тормозига қўймай, шу ҳудуддаги дўконга кириб кетганида, автомобиль ҳаракатланиб, ушбу маҳалладан оқиб ўтувчи “Тўпаланг” дарёсига тушиб кетган эди.
Live
Барчаси
