Мусиала Бундеслиганинг энг қиммат футболчиси бўлди

Transfermarkt портали Германия Бундеслигаси футболчиларнинг бозор қийматларини янгилади. Унга кўра, “Бавария” клуби ва Германия терма жамоаси футболчиси Жамал Мусиаланинг трансфер нархи 10 миллион еврога арзонлади, лекин шунга қарамай Мусиала Бундеслиганинг энг қиммат футболчиси бўлиб турибди.

Ихтисослаштирилган футбол сайти футболчиларнинг бозор қийматини янгилаганидан сўнг, “Бавария” футболчиси Жамал Мусиаланинг нархи 10 миллион еврога пастлаб, 130 миллион евро дея баҳоланди ва бу кўрсаткич билан германиялик футболчи жамоадоши Мишель Олисе билан бирга лиганинг энг қиммат футболчисига бўлиб турибди. Франция терма жамоаси футболчиси Мишель Олисенинг ҳам трансфер нархи 130 миллион евро дея баҳоланган. Ундан кейинги ўринда 70 миллион евро билан Колумбиялик ҳужумчиси Луиc Диас турибди. Англия терма жамоаси сардори Ҳарри Кейн эса 65 миллион евро навбатдаги ўринни эгаллаб турибди.  

Transfermarkt'га кўра, ҳозирда “Бавария” жамоасининг бозор қиймати 979 миллион евро билан Бундеслиганинг энг қиммат жамоаси бўлиб турибди.

Эслатиб ўтамиз, аввалроқ Аргентина миллий терма жамоаси ва “Интер Майами” клуби футболчиси Лионель Мессининг бозор қиймати 3 миллион еврога пастлаган эди.