Murodov kuchli “diyeta”ga o‘tiradi

O‘zbekistonlik UFC jangchisi Mahmud Murodov bo‘lajak jangi oldidan yakuniy mashg‘ulotini olib bordi. Murodov joriy yilning 22 oktyabr kuni UFC 280 oqshomida braziliyalik Kayo Borraloga qarshi oktagonga chiqadi. 

-90 kgda jang olib boradigan Mahmud Murodov endilikda bor e’tiborini vazn tashlashga qaratadi. Jangchi UFC tomonidan belgilangan me’yorlarga to‘g‘ri kelishi uchun 6 kg vazn yo‘qotishi kerak.  

Ma’lumot uchun, 29 yoshli Kayo Borralo professional faoliyati davomida shu vaqtga qadar 9 ta jangda g‘alaba qozongan va atigi bir martga mag‘lubiyatga uchragan. Murodov esa umumiy 25 ta g‘alabaga erishib, 6 marta mag‘lubiyat alamini totib ko‘rgan.

Eslatib o‘tamiz, UFC 280 oqshomi BAA poytaxti Abu-Dabi shahrida tashkillashtiriladi. Kechaning markaziy jangida rossiyalik jangchi Islom Maxachev braziliyalik Charlz Oliveyraga qarshi oktagonga chiqadi.

Shaxzod Shukurov