Мудофаа вазирига янги ўринбосарлар тайинланди
Жамият
−
15:18 2304 1 дақиқа
Жаҳонгир Муродов ва Қаҳрамонжон Зоидов Мудофаа вазирига ўринбосарлар этиб тайинланди. Бу ҳақда вазирлик матбуот хизмати хабар берди.
Қайд этилишича, Ўзбекистон Республикаси Президентининг тегишли қарорига мувофиқ, полковник Қаҳрамонжон Обиджонович Зоидов Ўзбекистон Республикаси мудофаа вазирининг қуролланиш ва қуроллантириш бўйича ўринбосари лавозимига тайинланган.
Шунингдек, Ўзбекистон Республикаси Президентининг тегишли қарорига мувофиқ, адлия полковниги Жаҳонгир Дилшодович Муродов Ўзбекистон Республикаси Мудофаа вазирининг комплаенс ва коррупцияга қарши ички назорат бўйича ўринбосари лавозимига тайинланган.
Эслатиб ўтамиз, аввалроқ Асаджон Хўжаев Рақамли технологиялар вазирининг Комплаенс ва коррупцияга қарши ички назорат бўйича ўринбосари этиб тайинланганди.
Live
Барчаси