Москвадаги шифохонада чиққан ёнғин оқибатида икки киши ҳалок бўлди

Олам

−

03 Декабрь 2020 visibility2367

Аввалроқ, Москва марказида жойлашган шифохонада ёнғин чиққани ҳақида хабар берган эдик. Сўнгги маълумотларга кўра, ёнғин оқибатида одамлар ҳалок бўлган.

Москва фавқулодда вазиятлар бошқармаси Матбуот хизматининг хабар беришича, пойтахт марказида қайта қуриш учун ёпилган маъмурий бинода содир бўлган ёнғинда ҳалок бўлганлар сони икки кишига етган.

Юз квадрат метр майдонда чиққан ёнғин Дуров кўчасида жойлашган офис биносида содир бўлган. Пойтахт фавқулодда вазиятлар хизмати вакилининг айтишича, ёнғин Москва халқаро саратон маркази биноларидан бирининг учинчи қаватида содир бўлган.

Фавқулодда вазиятлар вазирлигининг аниқлик киритишича, жабрланувчилардан бири тез ёрдам машинасида вафот этган.

Ёнғинни ўчириш жараёнида 27 ишчи қутқарилган, 88 қутқарувчи ва 27 та техника жалб қилинган.

Бино реконструкция қилинаётганлиги сабабли, унинг ичида беморлар бўлмаган.

Мақола муаллифи