Москва ва Тошкент ёлғон маълумотларга қарши курашишга келишиб олди

Ўзбекистон ва Россия Федерацияси Президентлари Шавкат Мирзиёев ва Владимир Путин ахборот соҳасида ёлғон маълумотлар тарқалишига қарши курашишда ҳамкорликни чуқурлаштиришга келишиб олди. Бу ҳақдаги қоида Россия раҳбарининг Ўзбекистонга давлат ташрифи якунлари бўйича имзоланган баёнотда келтирилган. 

“Томонлар Россия Федерацияси ва Ўзбекистон Республикаси билан боғлиқ мавзуларни холис ва ҳар томонлама ёритиш, ёлғон, шу жумладан миллатлараро тотувликка путур етказувчи маълумотларнинг тарқалишига қарши туриш, умумийликнинг ижобий томонларини намойиш этиш мақсадида ахборот соҳасидаги ҳамкорликни чуқурлаштиришга келишиб олдилар. Бундай ўзаро ҳамкорлик икки томонлама алоқаларни мустаҳкамлашга ҳисса қўшишига асосланади”, дейилади матнда. 

Баёнотда халқаро ахборотни тақдим этиш соҳасида халқаро платформаларда мувофиқлаштиришни янада чуқурлаштириш муҳимлиги таъкидланган. Мамлакатлар раҳбарлари, шунингдек, БМТ шафелигида ахборот маконида давлатнинг масъулиятли хатти-ҳаракатининг универсал нормаларини ишлаб чиқиш тарафдори. Путин ва Мирзиёев, шунингдек, миллий интернет сегментлари хавфсизлигини таъминлаган ҳолда интернет бошқарув тизимини демократик ва шаффоф қилиш тарафдори. 

Баёнотда, шунингдек, музокаралар чоғида давлат раҳбарлари парламентлараро алоқаларнинг юқори даражаси ва икки мамлакат қонун чиқарувчилари томонидан яратилган ҳамкорлик механизмлари самарадорлигини алоҳида таъкидлагани қайд этилган. Шунингдек, қонун ижодкорлиги ва сиёсий, ҳуқуқий ва ижтимоий-иқтисодий ислоҳотларни таъминлаш соҳасидаги мувофиқлаштириш ҳам урғуланган.