Мирзиёев Тўқаевга ҳамдардлик билдирди
Жамият
−
15 Март 2021 43996
Ўзбекистон Президенти Шавкат Мирзиёев Қозоғистон Президенти Қосим-Жўмарт Тўқаев билан телефон орқали суҳбатлашди. Бу ҳақда Қозоғистон Президентининг Матбуот хизмати хабар бермоқда.
Маълум қилинишича, Қосим-Жўмарт Тўқаев Олмаота яқинидаги авиаҳалокат қурбонларига таъзия билдиргани учун Ўзбекистон раҳбарига миннатдорлик билдирган.
Шунингдек, давлат раҳбарлари Марказий Осиёдаги вазият юзасидан фикр алмашган, ушбу стратегик муҳим минтақанинг хавфсизлиги, барқарорлиги ва фаровонлигини таъминлаш мақсадида кенг кўламли, самарали ҳамкорликка ўзаро интилишларини тасдиқлаган.
Қайд этилишича, икки давлат ҳукуматлари ўзаро савдо-иқтисодий ва гуманитар ҳамкорликнинг асосий масалаларини ҳал қилиш бўйича мувофиқлаштирилган ишларни давом эттиради.
Президентлар яқинлашиб келаётган Наврўз байрами билан бир-бирларини табриклаган, Қозоғистон ва Ўзбекистон халқларига фаровонлик тилаган.
Live
БарчасиБухорода Ғиждувон деҳқон бозори ёнмоқда.
14 Декабрь