Месси ЖЧ “Олтин тўп”ини қўлга киритади – ОАВ

Кеча, 18 июль куни FIFA техник қўмитаси Жаҳон чемпионати финалидан кейин топшириладиган индивидуал мукофотлар масаласини муҳокама қилди ва турнирнинг “Олтин тўп” совринини Лионель Мессига бериш бўйича қарор қабул қилди. Бу ҳақда “The Touchline” нашри хабар берди.

Маълум қилинишича, қўмита қарорига кўра, Аргентина терма жамоаси сардори Лионель Месси финал учрашуви натижасидан қатъи назар турнирнинг энг яхши футболчисига бериладиган “Олтин тўп” совринига муносиб деб топилган.

Месси жорий Жаҳон чемпионатида 8 та гол ва 4 та голли узатма амалга ошириб, турнирнинг иккинчи энг сермаҳсул футболчиси бўлиб турибди. Бу борада етакчилик Франция терма жамоаси ҳужумчиси Килиан Мбаппега тегишли бўлиб, унинг ҳисобида 10 та гол ва 4 та ассист мавжуд.

Маълумот учун, Жаҳон чемпионати финал баҳси бугун, 19 июль куни Тошкент вақти билан соат 23:55 да бўлиб ўтади. Унда Испания ва Аргентина терма жамоалари ўзаро куч синашади.

Эслатиб ўтамиз, учинчи ўрин учун кечган баҳсда Англия Францияни 6:4 ҳисобида мағлуб этиб, бронза медалларини қўлга киритган эди.