Месси ПСЖ машғулотларини эрта якунлади
Спорт
−
18 Март 2023 3341
ПСЖ ҳужумчиси Лионель Месси жамоа машғулотларини муддатидан аввал тарк этди. Бу ҳақда “Get French Football News” хабар берди.
Манбага кўра, Месси мушакларида ноқулайлик ҳис қилган. Шу боисдан унинг “Ренн” билан ўйинда иштирок этиши сўроқ остида.
Кўпгина ОАВ томонидан Месси жамоа бош мураббийи Кристоф Галтьедан норози бўлгани учун машғулотни тарк этгани ҳақида ҳам хабар тарқалди.
Месси 2021 йилдан бери ПСЖда ўйнаб келмоқда. Аргентиналик футболчи билан икки мавсум давомида парижликлар Европа Чемпионлар лигасининг 1/8 финалидан ўта олмаяпти.
Бу мавсумда француз гранди ушбу босқичда “Бавария” билан тўқнаш келди ва иккала учрашувда ҳам немис жамоасига ютқазди. Месси мюнхенликлар билан ўйинларда бирорта ҳам самарали ҳаракатни амалга оширолмади.
35 ёшли футболчининг ПСЖ билан шартномаси шу йилнинг июнь ойида якунига етади. Мессининг ПСЖдаги келажаги ҳақида ҳеч нарса маълум эмас.
Live
Барчаси