Месси киберспорт жамоасининг эгасига айланди
Спорт
−
08 Ноябрь 2023
3220Аргентиналик футболчи Лионель Месси собиқ жамоадоши Серхио Агуэро томонидан асос солинган “Kru Esports” киберспорт жамоасининг хўжайини бўлди. Бу ҳақда Агуэро ўз Instagram саҳифасида маълум қилди.
“Мен энди “Kru”нинг тўлиқ эгаси эмасман, чунки энди биз икки кишимиз”, дейди Агуэро
Коронавирус пандемияси даврида Агуэро компьютер ўйинларига ихтисослашган Twitch видео стриминг хизматида фаол трансляция қилишни бошлади. 2020 йилда у ўзининг “Kru Esports” кибер жамоасига асос солди. Эндиликда “Kru Esports” лойиҳаларида 8 карра “Олтин тўп” соҳиби ҳам фаол иштирок этади.
2021 йилнинг қишида Агуэро соғлиғидаги муаммолар туфайли фаолиятини якунлади. 10 йил давомида у Англиянинг “Манчестер Сити” клубида ўйнади. Агуэро Испаниянинг “Атлетико Мадрид” ва Аргентинанинг “Индепендиенте” клубларида ҳам тўп тепган. У Олимпиада чемпиони (2008), Жаҳон кубоги финалчиси (2014) ва Америка кубоги соҳиби (2021) ҳисобланади.