Месси Хави билан суҳбатларида нималарни гаплашиши маълум бўлди

“Барселона” бош мураббийи Хави ПСЖ ҳужумчиси Лионель Месси билан фаол алоқада бўлиб турибди. Бу ҳақда “Barca Universal” хабар берди.

Манбага кўра, Месси Хавига тезроқ клубга қайтишни истаётганини айтган. Шунингдек, улар кўпинча жамоа, ўйинлар, атмосфера ва кийиниш хонасидаги муҳит ҳақида суҳбат қуришади. Мессининг ўзи ҳам “Барселона”га қайтиш фикрида бўлиб турибди. 

Маълум бўлишича, аргентиналик футболчи Хави билан “Барселона” ҳақида гаплашганида кўпинча “Биз ғалаба қозондик” ёки “Яхши ўйнадик” деган иборани ишлатади, яъни у ўзини худди ҳали ҳам жамоанинг аъзосидек тутади.

Месси жорий мавсумда ПСЖ сафида 25 та ўйинда майдонга тушиб, 14 та гол урди ва 14 та голли узатмани амалга оширди.

Эслатиб ўтамиз, аввалроқ, “Барселона” Мессининг клубга қайтиши учун йирик ҳомийлар билан шартномалар устида ишлаётгани хабар қилинганди. Шунингдек, клуб стадионини реконструкция қилиш учун катта миқдорда кредит олиши маълум бўлди.