Месси Бекхэмдан клубга франциялик машҳур футболчини олиб келишни сўради
Спорт
−
17 Март 2025 7869 1 дақиқа
“Интер Майами”нинг аргентиналик ҳужумчиси Лионель Месси клуб хўжайини Дэвид Бекхэмдан жамоага яна бир топ футболчини қўшиб олишни сўради. Бу ҳақда “El Nacional” хабар берди.
Манбага кўра, саккиз карра “Олтин тўп” соҳиби Месси франциялик Поль Погба билан шартнома имзолашни сўраган.
Погба допинг учун дисквалификация қилинганидан кейин эркин агент ҳисобланади. “Интер Майами” франциялик футболчини қўлга киритиш ҳақида жиддий ўйламоқда – Флорида клуби ярим ҳимоячи учун фаворит саналади.
Погба “Нью-Йорк Сити”га қарши ўйинда “Интер Майами” президенти Дэвид Бекхэм билан учрашди. Ушбу учрашувнинг мақсади номаълумлигича қолмоқда.
Live
Барчаси
