Месси Бекхэмдан клубга франциялик машҳур футболчини олиб келишни сўради
Sport
−
17 March 2025 8586 1 minute
“Интер Майами”нинг аргентиналик ҳужумчиси Лионель Месси клуб хўжайини Дэвид Бекхэмдан жамоага яна бир топ футболчини қўшиб олишни сўради. Бу ҳақда “El Nacional” хабар берди.
Манбага кўра, саккиз карра “Олтин тўп” соҳиби Месси франциялик Поль Погба билан шартнома имзолашни сўраган.
Погба допинг учун дисквалификация қилинганидан кейин эркин агент ҳисобланади. “Интер Майами” франциялик футболчини қўлга киритиш ҳақида жиддий ўйламоқда – Флорида клуби ярим ҳимоячи учун фаворит саналади.
Погба “Нью-Йорк Сити”га қарши ўйинда “Интер Майами” президенти Дэвид Бекхэм билан учрашди. Ушбу учрашувнинг мақсади номаълумлигича қолмоқда.
Live
AllBloger Aziz Hakimov 4 yilga qamaldi
11 August
Putin hech narsadan qo'rqmasligini aytdi
11 August
